Nan videyo sa nap montrew koman pou’w ajoute yon itilizatè nan group sudo, koman pou’w bay yon itilizatè tout privilèj sudo sou linux.
Auteur : prince stanley jean baptiste
Checking and changing runlevel
Nan videyo sa-a, dekouvri koman ou kapab afiche epi change runlevel sou linux
6 ways to see your command history
Kòman w’ kapab aksede ak tout kòmand ou te tape deja yo pandan w’ap travay nan yon tèminal sou linux?
Nan videyo sa-a w’ap dekouvri 6 fason pouw we kòmand sa yo pou si w’ ta vle reitilize yo.
IP – MANAGE NETWORK INTERFACES, PART II
Kòmand ip a pèmèt sysadmin yo konfigire paramèt entèfas rezo yo sou linux. Kòmand sa-a se li ki ranplase ansyen kòmand ifconfig lan sou plizyè distribisyon linux.
11- Atribye yon adrès “Broadcast” ak yon entèfas rezo
ip address add broadcast 192.168.1.127 dev eno1
12- Ajoute yon “Default Gateway” pou yon entèfas rezo
ip route add default via 192.168.1.1
13- Ajoute yon Wout statik sou sistèm nan
ip route add 192.168.1.0/24 via 192.168.1.110 dev eno1
14- Afiche tab woutaj sistèm nan
ip route show
15- Retire yon Wout “par defaut” sou sistèm nan
ip route del 192.168.1.0/24
16- Afiche tab woutaj pou yon rezo byen spesifik
ip route list 192.168.43.0/24
Pou aprann plis fason sou kòman pou itilize kòmand ip a
ip --helpman ip
ip – Manage network interfaces, part I
Kòmand ip a pèmèt sysadmin yo konfigire paramèt entèfas rezo yo sou linux. Kòmand sa-a se li ki ranplase ansyen kòmand ifconfig lan sou plizyè distribisyon linux.
16 fason ou ka itilize kòmand ip a
1- Afiche enfòmasyon sou tout periferik (entèfas) rezo ki disponib sou sistèm nan
ip link
2- Afiche enfòmasyon pou yon grenn entèfas rezo
eno1 = Non yon entèfas rezo
ip link show dev eno1
3- Afiche detay sou transfè done sou tout entèfas rezo yo
ip -s link
4- Afiche detay sou transfè done sou yon grenn entèfas rezo
ip -s link ls eno1
5- Aktive yon entèfas rezo
ip link set eno1 up
6 – Dezaktive yon entèfas rezo
ip link set eno1 down
7- Afiche adrès IP pou tout entèfas rezo yo
ip address show
8- Afiche adrès IP pou yon grenn entèfas rezo
docker0 = Non yon entèfas rezo
ip address show dev docker0
9- Atribye yon adrès IP static tanporè ak yon entèfas rezo
ip address add 192.168.1.110/25 dev eno1
10- Retire yon adrès IP ki te atribye ak yon entèfas rezo
ip address del 192.168.1.110/25 dev eno1
Pou aprann plis fason sou kòman pou itilize kòmand ip a
ip --helpman ip
How to Assign an ip address to network interface
Nan videyo sa-a, wap aprann byen vit kòman w’ kapab atribye yon adrès IP prive static ak yon entèfas rezo sou linux (Debian oubyen Ubuntu)
CHECKING THE LOG FILES, PART II
Fichye log yo, se fichye, ladan yo, genyen yon pakèt enfòmasyon ki anrejistre sou fòm tèks, sa ki pèmèt administratè sistèm nan okouran de tout evennman enpòtan ki fèt sou sistèm nan, epi pèmèt li antisipe, epi pran bon desizyon pou kenbe sistèm nan an sante.
Gen kat (4) kategori fichye log ki genere nan anviwonman linux lan
- System Logs
- Service Logs
- Events Logs
- Applications Logs
Sa ki vle di, mesaj ki anrejistre nan fichye log yo, se mesaj ki konsène server a, Nwayo linux (kernel) lan, tout sèvis ak tout aplikasyon k’ap woule sous sistèm nan.
Jeneralman, fichye log yo anrejistre nan repètwa /var/log
Ann analize senk (5) fichye log ki enpòtan anpil sou linux
/var/log/boot.log
Fichye sa-a, ladanl, anrejistre tout mesaj ki gen rapò ak demaraj(boot) sistèm nan.
Pou tout pwosesis k’ap lanse, tout sèvis ki lanse pandan sistèm nan ap demare, w’ap jwenn tout detay sa yo andedan fichye /var/log/boot.log la.
Administratè sistèm nan ka ale nan fichye sa-a pou l tcheke ki pwoblèm ki pase nan ka kote sistèm nan redemare (reboot) sanzatann, oubyen ki sa ki lakoz si demaraj sistèm nan echwe.
/var/log/dmesg
Fichye sa gen enfòmasyon sou tanpon Nwayo linux (kernel) lan. Enfòmasyon sa yo gen rapò ak periferik ak tout driver yo.
Si gen yon materyèl ki gen yon pwoblèm, depi noyau linux lan detektel, w’ap jwenn enfòmasyon sa yo andedan fichye sa-a.
Ou kapab aksede ak fichye /var/log/dmesg si w pase kòmand dmesg
/var/log/auth.log
Andedan fichye sa-a, anrejistre tout enfòmasyon ki rapò ak “Authentification”. Tout session ki ouvri sou sistèm nan, tout itilizatè ki tante konekte sou sistèm nan, w’ap jwenn tras yo nan fichye sa-a.
/var/log/lastlog
Fichye sa gen enfòmasyon sou “dènye koneksyon” ki fèt sou sistèm nan, sou tout oubyen ou sou yon itilizatè byen detèmine. Pou w gen aksè kontni ki andedan fichye sa-a, ou dwe itilize kòmand lastlog la
Pou w’ jwenn èd sou kòman w dwe itilize kòmand lastlog la, pase kòmand sa-a
lastlog -h
/var/log/secure
Andedan fichye sa-a anrejistre tout mesaj ki gen rapò ak sekirite sistèm nan, sou echèk authentification ki fet sou sistèm nan, W’ap jwenn tras tout koneksyon “sudo” ak tout koneksyon ssh yo.
